تهددني بتتركني توّكل ما أبي طاريك

تهددني بتتركني توّكل ما أبي طاريك
تراني عفت أسلوبك وعفتك قبل أسلوبك

أنا ماني بتابعه لك وكل همها تجي ترضيك
أنا سيده لأسيادك وفارسه رغم عذروبك


تراني يوم أقوول آسفه تحسبني بعد أبغيك
تمهل وأسمع الباقي وخل الناس يدرو بك

إذا كان الوفا في الحب تجرحني وهذا يرضيك
دخيلك ضف لي وجهك ترى قلبي ماهو بصوبك

أنا لا جبت طاري الحب نطق قلبي وهو شاريك
حرام إلّي تسويه أنا ثوبي ماهو بثوبك

أقابل حبك الجافي بحب(ن) صادق(ن) يرويك
أشوف الزيف في ضحكك وأجامل واستر عيوبك

تحملت الخطأ منك كتمته ما أبي أشقيك
صبرت وقلت يتغيّر مع الأيام محسوبك

عطيتك قلبي الغالي رجع لي باكي(ن) يشكيك
يقول أوفيت أنا وياه ... طعني ...صار يلهوبك

خذيت القلب ضمدته .... صرخت ...علّتي هي فيك
تشوف الناس تجرحنا وتسمح من لفا صوبك

أبيك تتوب يا قلبي ترا هالحب هو يفنيك
أبيك تتوب من عالم تخادع تروي إذنوبك

كفايه ما تحملنا ..كفايه دمعتي تكفيك
كفايه من مآسينا ...كفايه غيير دروبك

كفايه لا تعذبني ...كفايه ما بها تشكيك
كفايه صادقه مني ولك إنسان يسمو بك

كثير الّي تمنوني أكابر واعلن التفكيك
أقول .. ( القلب ) ..هو غالي ولا أنت قد مطلوبك

حسافه عشرتي ويّاك ..حسافه كنت في ماضيك
حسافه بختم الأبيات ..وبفرح لحظة إغروبك