[bلوخيروني بين مليون رجال
والكل منهم عاشقن مشتريني
بقول كلمه دايم الدوم تنقال
دوم إتردد بين قلبي وبيني
" إن ماخذيت اللي له القلب ميّال
عقبه فلا آخذ كل رجلن يبيني "
يمكن بعيدن بالمسافه والأميال
لكن قريبن بين قلبي وعيني
أشوف به شيخن على كل الازوال
إليا لفى فزوله الحاضريني
متسيّدن في وسط قلبي ويختال
يملك حياتي بس وينه وويني؟؟
اللي رفض كل العذارى ولاطال
إلا خفوقي بالغلا والحنيني
وشلون ابقنع خافقي لاالزمن مال
إن الظروف القاسيه ماتليني
وشلون ابرضى عقبه بأي رجال
وشلون ابدّل نور عيني بيديني
دامه حفظني في عيونه ولازال
طيفه على طول الليالي يجيني
ابيه يذكر كلمتن دوم تنقال
دوم إتردد بين قلبي وبيني
" إن ماخذيت اللي له القلب ميّال
عقبه فلا آخذ كل رجلن يبيني
تحايااااااالكم