ياللي نويت تغيب ياشين فرقاك
!
!
ياللي نويت تغيب ياشين فرقاك
قلب العنا من طاري البعد ملي
\!\!\\!\!\\!\!\\!\!\\!\!\\!\!\
وشلون أبصبر ياحبيبي بلياك؟
ياكيف أهدّي جامح الشوق قلي
\!\!\\!\!\\!\!\\!\!\\!\!\\!\!\
ياكيف أسلي نفسي أللي تمناك؟
ياكيف أفارق شمس كوني وظلي
\!\!\\!\!\\!\!\\!\!\\!\!\\!\!\
وإليا فقدت طعون رمحك وشلفاك
من وين لي طعنات رمش مظلي
\!\!\\!\!\\!\!\\!\!\\!\!\\!\!\
وإليا هجرتني بسمة من شفاياك
وش عاد باقي في حياتي يسلي
\!\!\\!\!\\!\!\\!\!\\!\!\\!\!\
ليه التغلي ينحسب من مزاياك
والناس قالت شعر ضد التغلي
\!\!\\!\!\\!\!\\!\!\\!\!\\!\!\
تساؤلات قالها قلب يهواك
والله ماأسأل فيك لو منت خلي
\!\!\\!\!\\!\!\\!\!\\!\!\\!\!\
ماقلت لك ياصاحبي عمري إفداك
كله ولا الهجران خله يولي
\!\!\\!\!\\!\!\\!\!\\!\!\\!\!\
إما تغيب وتاخذ القلب وياك
وإلا تعال وخذني أفداك كلي