ياللي باساليب الخيانه تفننت

ياللـي بأساليـب الخيانـه تفنـنـت
وش رجعك عقب الجفا والقطاعـه؟؟

فارق عيوني وابعد ارجوك لاهنـت
دامك تصنعـت المشاعـر صناعـه

لعبـت لعباتـك بتمثيـل واتقـنـت
وألفـت كذباتـك بفـن وبـراعـه

وخليتنـي بالنـار يومـك تمكـنـت
وقعدت ادوّر في هـواك الشفاعـه

لآن الحجر من حالتي وانت مالنـت
لأني اعطيتـك غـلا عـن قناعـه

ساويتك بروحي ومن قلبي احسنـت
وزرعت حبك في ضميري زراعـه

غدرت بي واخلفت ضني بك وخنت
وخذيت حبي لـك مجـرد اشاعـه

لاتقول ابرجع بالهوى مثـل ماكنـت
ضاع الهوى وانت السبب في ضياعه

يوم اني اسهر بالغرابيل وين انـت؟؟
يـوم اتحـرى جيتـك كـل ساعـه

ياللي مـع الأيـام ضـدي تلونـت
يامـن تفنـن فـي وسايـل خداعـه

بك من تواصيف الغـدر لاتمسكنـت
كنه اخوك من الصـدر والرضاعـه

يالمعدن اللي حكـك الوقـت بيّنـت
بيّن صداك اللـي خذيتـه بضاعـه

ربتني الدنيا علـى يديـك وايقنـت
ان ماكل من يطمح طموح استطاعـه

اليوم عقب اللـي جرالـي تمعنّـت
والحـر بعيونـه يبيـن انطبـاعـه

كانك مع العـاذل وهمـي تعاونـت
عندي شهـاده بالصبـر والشجاعـه

وان كانك اسلوب التحدي لي اعلنت
ابشـر برجـالٍ يشـمٌـر ذراعــه

انا كـذا طبعـي وبأطباعـي امنـت
مـن عافنـا يحـرم علينـا اتباعـه

واللي معي صادق بعيني له اسكنـت
عندي عن اسلـوب الخيانـه مناعـه

تدري؟؟ مدامك للهوى اليوم ماصنت
اقولهـا بوجهـك وكلّـي قنـاعـه

يلعن ابو رجـلٍ يذلـه هـوى بنـت
إذا تخلـى لأجلهـا عـن طباعه

يعطيك الف عافيه خيتو
على الايدعات الجميله
متميزه بالختيار
تحياتي لك

عضو فعال المشاركات : 706 نقاط : 720

سلمين يالغلا ~~
دائماً تتحفينا بإبداعاتك
يعطيك العافيه
*
*
*
دائماً ســ أكون بإنتظار سيل إبداعاتك
::
ودي .. و.. تقديري

نورتم حبايبي

مشكور خيتو ع الطرح الاكثر من رائع

» ياللي نويت تغيب ياشين فرقاك
» الخيانه
» الخيانه
» أقووووى ابيات عن الخيانه ..
» وش يحسسك بالقهر أكثر ..؟؟الخيانه؟؟البعدبلاسبب؟؟الحب من طرف واحد؟؟..