تعلم لعبة البلوت

المشاركات : 46 نقاط : 48

- تبي تتعلم ورقه ؟

- تبي تقزر الصيفيه لا طفش ولا شي ؟

- تبي أسمك ينشهر في مجالس قريتكم ؟

معنا كل شي يتحقق !

تعريف البلوت + وقتها ؟

البلوت هي اللعبة المسيطره على عقول الناس الان تمشي متر ولا مترين تجد أمامك مجموعه

من الاشخاص يلعبونها غير الذين ينتظرون دورهم

وقتها من بعد صلاة المغرب الى وقت صلاة الفجر وعند 10 بالضبط يبداء حماسها !

شروط البلوت ؟

طبعا لكل لعبه شروط وشروط البلوت هي من أصعب الشروط

- يلزمك ورقة
- يلزمك اربع اشخاص
- فهم طريقة اللعب
- فهم شروط المشاريع

- فهم شروط العد

طبعا تتكون الورقة من ( ديمن / هاس / سبيت / شيريا )

هذا الشكل من الورقة يدل على الشيريا

هذا الشكل من الورقة يدل على الديمن

هذا الشكل من الورقة يدل على السبيت

هذا الشكل من الورقة يدل على الهاس

خلاصنا من شرح أسماء وأنواع الورقة , نجي هالحين على الاوراق التي تلعب

وهم ( الاكه ,الشياب , البنت , الولد , العشره ,التسعه , الثمانيه , السبعه )

طبعا راح يبقى من الورق خلهم حق اخوانك الصغار يلعبون فيهم سبيته

نجي لطريقة توزيع الورق ؟

تجلس وقدامك خويك بشكل المربع لاتجلس مثل المعين وتبي تلعب بلوت

أذ أنت الي تخبص توزع من اليمين وأنت ماشي على ثلاث ورق لين توزع لنفسك بعدين ترجع

وتوزع على ورقتين وأنت ماشي لين توصل لنفسك بعد ماتنتهي تضع ورقة بالنصف تسمى راس المال وياخذها المشتري

ملاحظات على التوزيع علشان ماتعيد الخبص وتتعب نفسك ؟

- اذ توزع لاتعطي احد اكثر من حقه من الورق

- التوزيع يكون بطريقة غير مكشوفة حتى للموزع بس تعرف كم عطيته من ورق

- في حالة كشف الورق اثناء التوزيع يحق لخصماك اعادة الخبصه وعندها تتعب عمرك أنت !

الشرا

عندنا نوعين من الشرا أم صن أو حكم

الصن

يكون فيه رمي اقوى الاوراق لمصلحه فريقك وتحاول انك تعطي اقل الاوراق للفريق الثاني

مجموع نقاط الصن 26 نقطه واذا كان الفريق المشتري ماخذ اقل من 13 يكون خسر والفريق الثاني ياخذ 26نقطه كامله

طيب نجي لترتيب الاوراق في حاله الصن من الاقوى من اليسار الى اليمين مثل رقم بطاقة الاحوال

طبعا يختلف عن الصن في ترتيب الاوراق :-

( الولد - التسعه - الاكا-العشره- الشايب- البنت-الثمانيه - السبعه )

أنتهينا من الشراء والحاجات الاولية

نبدا هالحين في المرحلة الثانيه وهي ؟

المشاريع

ترتيب الاوراق في المشاريع

ملاحظات :

- اذا كان عندك سرا والفريق الثاني سرا لازم تسال اللي عنده سرا تقوله وش اكبر شي في سراك بيجاوبك وانت شوف اكبر شي في سراك الاكبر ينزل والثاني ينام أحسن له

الخمسين

الخمسين تكون 4 اواق متسلسله من نفس النوع

ويحسب بالصن ب 10 والحكم ب 5

يعني يصير الصن ب 36 والحكم ب 21

مثال على الخمسين

ملاحظه الخمسين :-
نفس ملاحظات السرا تسال لكن اذا كان في احد عنده سرا ماعليك فيه بدون ماتسال انت نزل خمسينك

الميه
تكون بطريقتين
الاول 5 اوراق نفس النوع متتالين
الثاني يكون عند 4 شياب او 4 بنات او 4 اولاد او 4 عشرات

حسابه في صن ب 20 والحكم 10
يعني يصير الصن ب 46 والحكم ب 26

مثالين عليه
مثال على 5 اوراق متتاليه

هذي مية شكل واحد

ملاحظات الميه
- اذا احد عنده ميه تسال لكن اذا مافي الانت ماعليك باحد نزل ميتك ولايهمونك العذال

الاربعميه
وهي عباره عن 4 اكك وهي اقوى مشروع

تحسب في الصن ب 40

يعني يحسب الصن 26+40=66

ملاحظات الاربعميه

اذا كان عندك اكك والحاله حكم تقول ميه

عضو متميز المشاركات : 598 نقاط : 607

يعطيكـ االعاافيه اخوي

بس اللعبه تقلب الرااااس تعلم لعبة البلوت Icon_eek

ماننحرمش من جديدك

يسلموووووووووووو اخوي على الموضوع الرهيب
الي يخلي راسك في دوامه ومن ثم الغباء لا سمح الله تعلم لعبة البلوت Icon_lol

ولا تنسى الوصايا والارشادات
الى الامام سر تعلم لعبة البلوت Icon_lol

عضو نشيط المشاركات : 111 نقاط : 114

مشكور ياوخيي على العبه

بس والله من جد انقلب راسي >>عدليه اخخخ

يعطيك ربي العافيه

يسلمو خيو على الموضوع

دمتى غالياً

تحياتي

اي صوووووح فهمت >>والله من جمبها وربي من اول ونا احاول اعرف طريقة لعبها بس مالت المخ مقفل... يصلمووووو ع الشرح
تحياااااااااااااااااااااااااتي << مجننه ابليس >>

» لعبة الهلاليين والنصراويين فلة لاتفوتكم ....
» لعبة المشنقه تحدي بين السحالي والتماسيح
» لعبة الحروف
» ~لعبة الامبراااطوره~
» كرسي الأعتراف ...(لعبة حلوة )